Kush e sheh rrezikun e zgjedhjeve të katërta në Kosovë?

— Profesori i Universitetit Johns Hopkins, Daniel Serwer, vlerëson se Kosova mund të përballet me zgjedhje të katërta nëse klasa politike nuk arrin kompromis për zgjedhjen e presidentit të ri. Sipas analizës së tij, ndonëse Lëvizja Vetëvendosje ka shumicën parlamentare, për zgjedhjen e kreut të shtetit nevojiten dy të tretat e votave, ndërsa opozita nuk është e gatshme të mbështesë kandidatët e Albin Kurtit.

Serwer shënon se ky skenar rrezikon zemërimin e elektoratit, i cili është i lodhur nga proceset e njëpasnjëshme zgjedhore. Ai vëren se pjesëmarrja në zgjedhjet e fundit ishte më e ulët dhe mbështetja për Kurtin ka rënë, ndërsa popullsia dëshiron që politikanët të fokusohen te puna dhe jo te polarizimi aktual. Kjo situatë e bën të vështirë arritjen e një konsensusit për presidentin.

Në aspektin ekonomik, profesori amerikan vlerëson se Kosova ka përfituar nga rimëkëmbja pas pandemisë dhe ka përmirësuar pozicionin në indekset e sundimit të ligjit. Megjithatë, ai kritikon pagesat shtesë të bëra para zgjedhjeve, duke deklaruar se blerja e votës, pavarësisht se ka targetuar shtresat me të ardhura të ulëta, degradon demokracinë e vendit.

Lidhur me energjinë, Serwer komentoi refuzimin e lidhjes me gazin e lëngshëm amerikan përmes Maqedonisë së Veriut, duke theksuar se debati publik nuk e ka trajtuar mjaftueshëm koston ekonomike. Ai vëren se importimi i LNG-së amerikane është i kushtueshëm, ndaj nuk është e qartë nëse kushtet ekonomike janë vërtet të barabarta për ta bërë këtë opsion të dëshirueshëm.

Në fund, ai vëreh modernizimin e bizneseve dhe investimet e diasporës, por thekson se infrastruktura publike, veçanërisht autostradat dhe hekurudhat, mbetet prapa. Serwer mbetet optimist për të ardhmen, duke e cilësuar anëtarësimin në NATO si hapi jetik i radhës, për të cilin Forca e Sigurisë së Kosovës do të jetë e gatshme në vitin 2028.

Burim: Telegrafi
— Redaksia ZHURMA