Çollaku: Shporta familjare në Kosovë u shtrenjtua për 78 euro në muaj

Shtrenjtimi i produkteve dhe shërbimeve bazë ka zvogëluar fuqinë blerëse të qytetarëve në vend, duke prekur rëndë buxhetet shtëpiake. Doktor i shkencave ekonomike, Pëllumb Çollaku, ka bërë të ditur se një shportë konsumi që kushtonte 1.000 euro në shtator të vitit 2025, sot arrin vlerën rreth 1.078 euro, duke shkaktuar një pagesë shtesë prej afër 940 eurosh në vit për të njëjtin konsum.

Sipas Çollakut, goditjen më të rëndë e kanë pësuar familjet me të ardhura të ulëta, të cilat pjesën më të madhe të buxhetit e ndajnë për ushqim, energji, ngrohje dhe transport. Ndërkohë, sipas projeksioneve të Fondit Monetar Ndërkombëtar, inflacioni në Kosovë gjatë vitit 2026 pritet të ngjitet në 6.8 për qind, nga 3.9 për qind sa ishte vlerësimi për vitin 2025, duke e renditur vendin të parin në Ballkanin Perëndimor për nga niveli i parashikuar i inflacionit.