Nafta në Kosovë shtrenjtohet sërish — 1.69 euro litri

PRISHTINË — Çmimi i naftës në Kosovë ka shënuar një tjetër rritje, duke arritur nivelin më të lartë që nga fillimi i muajit maj. Ministria e Industrisë, Ndërmarrësisë dhe Tregtisë (MINT) ka publikuar çmimet maksimale të lejuara të derivateve të naftës, të cilat do të vlejnë për 24 orët e ardhshme.

Sipas vendimit të ministrisë, një litër naftë do të shitet me çmim maksimal prej 1.69 euro, një cent më shumë se një ditë më parë. Ndërkohë, çmimi maksimal i benzinës është caktuar në 1.50 euro për litër, ndërsa gazi do të tregtohet me 0.60 euro për litër. Burim: Gazeta Dukagjini, https://www.dukagjini.com/vazhdon-te-rritet-cmimi-i-naftes/
— Redaksia ZHURMA