Chunxue: Bizneset kineze duan të investojnë në industrinë e rëndë shqiptare
Ambasadorja e Kinës shpreh interesimin për investime në Shqipëri, me fokus në industrinë e rëndë.
Redaksia ZHURMA · · 1 min lexim
Ambasadorja e Kinës në Shqipëri, Pang Chunxue, ka bërë të ditur interesimin e bizneseve kineze për të investuar në vend, me theks të veçantë në sektorin e industrisë së rëndë. «Bizneset tona duan të investojnë në industrinë e rëndë shqiptare», u shpreh ajo, duke vënë në dukje se për thithjen e bizneseve të huaja nevojitet një klimë e favorshme dhe stabilitet.
Deklarata u bë në kuadër të aktiviteteve për shënimin e 77-vjetorit të vendosjes së marrëdhënieve diplomatike mes dy vendeve. Me këtë rast, në qytetin e Elbasanit u mbajt një takim ku morën pjesë ambasadorja, ish-studentë shqiptarë të diplomuar në universitetet kineze, si dhe inxhinierë të njohur që kanë kontribuar në zhvillimin dhe drejtimin e ndërmarrjeve më të mëdha industriale në vend.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar