Hasimja: Çmimet rriten në mars-prill dhe faji do t'i vihet luftës
Politologu Ermal Hasimja paralajmëron përkeqësim të ekonomisë dhe thotë se masat e qeverisë nuk do të kenë ndikim te qytetarët.
Redaksia ZHURMA · · 1 min lexim
Politologu Ermal Hasimja ka ngritur shqetësimin mbi politikat ekonomike të qeverisë, duke paralajmëruar një përkeqësim të situatës për qytetarët gjatë muajve mars dhe prill. I ftuar në emisionin «Off the Record», ai theksoi se kjo periudhë do të shërbejë për të matur realisht koston e jetesës dhe fuqinë blerëse, sidomos në raport me pensionistët.
Hasimja u shpreh se masa e ndërmarrë nga qeveria për uljen e TVSH-së për produktet e shportës bazë nuk do të sjellë ndonjë ndikim real. Sipas tij, kur të konstatohet mungesa e përmirësimit, ekzekutivi do të kërkojë justifikime te protestat, opozita apo konflikti në Iran.
«Do flasim nga marsi, do ta shikojmë çështjen e çmimeve. Në prill do të jetë edhe më keq se në mars», deklaroi ndër të tjera politologu, duke shtuar se qeveria llogarit që qytetarët të gënjehen sërish nga masat e prezantuara.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar