Çfarë kërkon opozita para certifikimit të rezultatit?
Deputetja e VV-së, Arjeta Fejza, thotë se opozita e përsërit kërkesën për zgjedhje çdo ditë, ndërsa Kuvendi ende nuk është konstituuar.
PRISHTINË — Deputetja e zgjedhur e Lëvizjes Vetëvendosje, Arjeta Fejza, akuzon partitë opozitare se kërkojnë zgjedhje të reja ende pa u certifikuar rezultati zgjedhor dhe pa u konstituuar Kuvendi. Në një postim në Facebook, Fejza shkruan se opozita "të vetmen fjali që po e përdor në baza ditore" është kërkesa për zgjedhje të reja.
"Ende pa u certifikuar rezultati zgjedhor e ende pa ndodhur konstituimi i Kuvendit," shkruan Fejza, "opozita të vetmen fjali që po e përdor në baza ditore është: zgjedhje të reja." Fejza shton: "A nuk u ngopët, a nuk e morët mesazhin e qytetarëve?"
Burim: Gazeta Express
— Redaksia ZHURMA