Pse akuzon Bytyqi Mickoskin për manipulim me shifra ekonomike?

SHKUP — Deputeti i LSDM-së, Fatmir Bytyqi, ka akuzuar kryeministrin Hristijan Mickoski se po manipulon me shifrat e rritjes ekonomike. Bytyqi thotë se Mickoski fillimisht e shpalli Maqedoninë si "ekonominë e tretë me rritjen më të shpejtë në Evropë", ndërsa dje e uli ambicien në "pesë vendet e para në Evropë sipas rritjes së PBB-së".

"Në të dyja rastet bëhet fjalë për të njëjtin qëllim politik: nga një shifër statistikore të krijohet një përrallë ekonomike, ndërkohë që qytetarët jetojnë në një realitet ekonomik makth," thotë Bytyqi. Sipas tij, ekonomia nuk matet me vetëlavdërime, por me atë që qytetarët mund të blejnë me pagën e tyre.

Enti Shtetëror i Statistikave publikoi rritje të PBB-së prej 3,1% në tremujorin e parë, por të njëjtin raport tregon se konsumi final ka pjesëmarrje prej 86,4% në PBB — parametër kyç që kryeministri e heshti, sipas Bytyqit. Ai thekson se kur inflacioni është 5,7%, çmimet rriten më shpejt se ekonomia, dhe qytetarët "shpenzojnë më shumë para, ndërsa në shtëpi sjellin më pak produkte."

Bytyqi ilustron me shembull konkret: me 1.000 denarë mund të blihen 2 kilogramë qershi, 1,5 kilogram pjeshkë, 1,5 kilogram kajsi, një tabaka me 30 vezë dhe vetëm 150 gramë fileto pule.

Burim: Telegrafi
— Redaksia ZHURMA