Busti i Gandit zbulohet në Shkup — Murmu: mesazhi i tij i përket njerëzimit

SHKUP — Busti i Mahatma Gandit u zbulua sot në Muzeun e Qytetit të Shkupit, në një ceremoni që u nënvizua si simbol i qëndrueshëm i vlerave që bashkojnë popujt dhe nxitje për të forcuar miqësinë midis Maqedonisë së Veriut dhe Indisë. Presidentja e Indisë Draupadi Murmu mori pjesë në ngjarje, bashkë me presidenten Gordana Siljanovska-Davkova dhe kryetarin e Qytetit të Shkupit, Orce Gjorgievski.

"Mahatma Gandi i përkiste Indisë, por mesazhi i tij i përket të gjithë njerëzimit. Jeta e tij tregoi se e vërteta dhe jodhuna nuk janë shenja dobësie, por instrumente të fuqishme për të siguruar drejtësi, liri dhe dinjitet", ka thënë Murmu. Presidentja indiane theksoi se në kohë konflikti, intolerancë dhe përçarje, besimi i Gandit në dialog mbetet i rëndësishëm.

Presidentja Siljanovska-Davkova nënvizoi se trashëgimia më e rëndësishme e Gandit është ideja e vetëvendosjes pa dhunë si e drejtë e njerëzve për të vendosur për fatin e tyre. "Kjo dëshirë për liri është një ideal shekullor i popullit indian, por edhe i popullit këtu në Maqedoni", theksoi ajo.

Presidentja indiane u shpreh se shpreson që vizitorët e muzeut, veçanërisht të rinjtë, të qëndrojnë para bustit dhe të ndiejnë mesazhin e Gandit. "Le t'i frymëzojë ata të hedhin poshtë urrejtjen, të zgjidhin dallimet në mënyrë paqësore dhe t'i shërbejnë shoqërisë me guxim dhe empati", theksoi Murmu.

Burim: Shenja
— Redaksia ZHURMA