Bundesliga vlerëson sezonin e Asllanit: 10 gola, 7 asistime
Faqja zyrtare e Bundesligës i dedikoi një postim të veçantë sulmuesit kosovar pas sezonit më të mirë në karrierë me Hoffenheimin.
GJERMANI — Fisnik Asllani po mbyll sezonin më të mirë të karrierës. 23-vjeçari shënoi dhjetë gola dhe dhuroi shtatë asistime në 34 ndeshje në Bundesliga për Hoffenheimin, plus një gol në Kupën e Gjermanisë. Me Kosovën, shtoi tre gola në kualifikimet për Botërorin 2026.
Faqja zyrtare e Bundesligës e vuri në pah me një postim në Instagram: "Fisnik Asllani po shkëlqente në sezonin 2025/26".
Asllani u rikthye verën e kaluar te Hoffenheimi pas huazimit në Bundesliga 2 me Elversbergun. Forma e tij ka tërhequr vëmendjen e klubeve të mëdha — Bayern Munich, Barcelona dhe, më së shumti, Borussia Dortmund thuhet se e ndjekin për transferim këtë verë.
Burim: Gazeta Express
— Redaksia ZHURMA