Çfarë raportoi Bozhinovska para monitoruesve të WBIF-it?

SHKUP — Ministrja e Energjisë, Minierave dhe Burimeve Minerale, Sanja Bozhinovska, mori pjesë sot në një takim të nivelit të lartë me DG ENEST dhe ekipin e Kornizës së Investimeve për Ballkanin Perëndimor (WBIF), si pjesë e misionit monitorues për statusin e portofolit të WBIF-it në vend.

Në takim, ku morën pjesë përfaqësues të lartë të ministrive dhe institucioneve vendase, u diskutua Lista Indikative e Projekteve në kuadër të Agjendës së Reformave dhe Instrumentit për Reforma dhe Rritje, si dhe progresi i projekteve aktuale në fazë zbatimi të financuara nëpërmjet WBIF-it.

Bozhinovska theksoi se zbatimi i Agjendës së Reformave mbetet prioriteti më i lartë i Qeverisë, dhe se Ministria do të vazhdojë me zbatimin e reformave në mënyrë të përgjegjshme e transparente, në bashkëpunim të ngushtë me institucionet dhe faktorët ndërkombëtarë. Ministrja prezantoi gjithashtu sfidat konkrete të realizimit të projekteve dhe mënyra praktike për t'i tejkaluar ato.

Gjatë Misionit të Monitorimit parashikohen një sërë takimesh, ndër të cilat edhe një vizitë në terren lidhur me projektin e ndërtimit të impiantit të pastrimit për ujërat e zeza në Shkup. Ministria vazhdon harmonizimin me legjislacionin evropian me synimin e ndërtimit të një sistemi energjetik të sigurt, modern e të drejtë.

Burim: Tetova Sot
— Redaksia ZHURMA