Bonus prej 500 mijë eurosh për Dinamo City pas kualifikimit në play-off
Presidenti i klubit Dinamo City, Ardian Bardhi, është shfaqur në dhomën e zhveshjes me një çantë me para pas fitores ndaj Audas.
Një video nga dhoma e zhveshjes së Dinamo City në Tiranë ka tërhequr vëmendjen, pasi presidenti i klubit, Ardian Bardhi, është shfaqur me një çantë të mbushur me para pas fitores 4-0 ndaj Audas. Në pamjet e publikuara shihet Bardhi teksa hap çantën dhe nxjerr një shumë parash, të cilat shpërndahen në dysheme para futbollistëve.
Pas fitores që i siguroi Dinamos kalimin në play-off të Ligës së Konferencës, presidenti i klubit u ka premtuar futbollistëve një bonus prej 500 mijë eurosh, nëse arrijnë ta eliminojnë ekipin qipriot Pafos. Dinamo City do të përballet me Pafosin në ndeshjen e vlefshme për play-off-in e Ligës së Konferencës.