Pse Blerim Latifi i quan paradoks protestat e preshevarëve në Tiranë?

PRISHTINË — Profesori dhe analisti politik, Blerim Latifi, ka reaguar ashpër ndaj asaj që e quan një paradoks të madh të shqiptarëve të Luginës së Preshevës. Sipas tij, ndërsa këta shqiptarë nuk arrijnë të organizojnë asnjë protestë të thjeshtë kundër spastrimit të heshtur etnik që po zbaton Serbia atje, ata shkojnë në Tiranë për të protestuar.

Latifi vë në dukje se ky reagim në kryeqytetin shqiptar drejtohet kundër kryeministrit Edi Rama dhe një investimi të madh amerikan në bregdetin e Shqipërisë. Ky veprim ndodh përkundër faktit se qeveria shqiptare mbetet e vetmja që ka ngritur zërin në kanalet diplomatike perëndimore për të drejtat e shqiptarëve të Luginës.

Ky paradoks, sipas Latifit, godet ndërgjegjen njerëzore, pasi të njëjtët qytetarë që heshtin para xhandarit serb dhe pasivizimit të adresave të tyre, zgjedhin të kundërshtojnë investimet strategjike dhe mbështetjen e vetme diplomatike që marrin.

Burim: Demokracia
— Redaksia ZHURMA