Bie interesimi për ngrohje me dru në Prizren për shkak të çmimit të lartë

PRIZREN — Fushat e shitjes së lëndës drusore në Prizreni po mbeten të zbrazëta, pasi çmimet e larta dhe alternativat e tjera të ngrohjes kanë ulur ndjeshëm interesimin e ekonomive familjare. Ndonëse qytetarët e vlerësojnë këtë mënyrë si më të shëndetshmen, çmimi që sillet nga 70 deri në 80 euro për metër të prerë e të çarë përbën një barrë të rëndë financiare për blerësit.

Shitësi Naim Sallahaj u shpreh se druri është bërë i paarsyeshëm për t’u ngrohur dhe se ka mundime e pagesa për çdo gjë që lidhet me të. Ndërsa shitësi Sali Kolgeci theksoi se interesimi i këtij viti është më i dobët krahasuar me tri vitet e kaluara. Nga ana e tyre, banorët përmendin ndryshimin e kushteve dhe investimet në sistemet e ngrohjes me energji elektrike, ndërsa disa prej tyre që jetojnë në gurbet tregojnë se rryma mbetet më e përshtatshme, edhe pse të tjerë e konsiderojnë drurin të pazëvendësueshëm.