Besnik Krasniqi veçon rivalët kryesorë për titull kampion

Kapiteni i Dritës, Besnik Krasniqi, ka folur rreth garës për titull dhe ka veçuar skuadrat që kanë nisur sezonin në mënyrë të shkëlqyer dhe ndodhen në krye të renditjes. Duke folur për rivalët kryesorë në garën për titull, ai ka përmendur Prishtinën, Dukagjinin dhe Malishevën, duke paralajmëruar se deri në fund do të jetë një betejë e fortë mes skuadrave.

Më parë, kapiteni i Dritës kishte theksuar se objektivi kryesor i skuadrës mbetet fitimi i titullit kampion, pavarësisht nisjes jo të mirë të sezonit. Ai kishte shpjeguar se fillimi i zbehtë i kampionatit u ndikua nga angazhimi i skuadrës në kualifikimet për Ligën e Konferencës, por tani ekipi është i vendosur ta ruajë kurorën e kampionit të Kosovës.