Besnik Krasniqi: Do ta mbrojmë titullin kampion

Kapiteni i Dritës, Besnik Krasniqi, ka deklaruar se synimi i vetëm i skuadrës është fitimi i titullit kampion, pavarësisht nisjes jo të mirë të kampionatit për shkak të angazhimeve në Ligën e Konferencës. Situata ka ndryshuar pas fitores ndaj Ballkanit, ndërsa ai u ka premtuar tifozëve se do të punohet fort për ruajtjen e epitetit të kampionit.

Krasniqi, i cili realizoi golin në minutat shtesë ndaj Ballkanit, u shpreh se më shumë i është gëzuar pikëve të plota sesa golit personal. Ai ka përmendur se Prishtina, Dukagjini dhe Malisheva janë skuadrat që kanë bërë shumë mirë në këto tetë xhiro dhe se deri në fund do të jetë një luftë e fortë për titull. Ndërkohë, ai ka theksuar se Drita nuk do të lëshojë më pikë si vendas.