Cili është këshilli i Berishës për opozitën?

PRISHTINË — Ish-deputeti Zafir Berisha kritikoi opozitën lidhur me takimin e planifikuar ndërmjet kryeministrit në detyrë, Albin Kurti, dhe përfaqësuesve të partive politike. Ai u këshilloi subjekteve opozitare që të mos përqendrohen në takime, por të orientohen drejt përgatitjeve për zgjedhjet e ardhshme.

Berisha cilësoi pjesëmarrjen në takim si veprim të gabuar politik. Në postimin e tij, ai shkroi se "shkuarja nesër në takim me Albinin është futje në vallen e djallit" dhe kërkoi që opozita të nxjerrë mësime nga përvojat e kaluara.

Ish-deputeti vlerësoi se partitë opozitare duhet ta përdorin kohën për organizim dhe përgatitje për proceset e ardhshme politike, në vend të takimeve me kryeministrin. Ai tha se zgjedhjet e 7 qershorit ishin "vetëm një lojë miqësore".

Burim: Gazeta Metro
— Redaksia ZHURMA