Çfarë diskutoi Begaj me Costën për kapitujt e Shqipërisë?
Presidenti Begaj i përcolli presidentit të KE vendosmërinë për plotësimin e agjendës së zgjerimit brenda vitit 2027.
TIRANË — Presidenti Bajram Begaj priti sot në takim presidentin e Këshillit Evropian, Antonio Costa. Gjatë takimit u vlerësua progresi i Shqipërisë në negociatat e anëtarësimit, përfshirë Konferencën e 8-të Ndërqeveritare BE–Shqipëri, e cila konfirmoi përmbushjen e kritereve ndërmjetëse për Kapitullin 1 "Themeloret".
Begaj i përcolli Costës vendosmërinë e Shqipërisë për të mbyllur grupin e kapitujve brenda vitit 2027. Ai citoi reformën në drejtësi, luftën kundër korrupsionit dhe krimit të organizuar, si dhe përputhjen me Politikën e Përbashkët të Jashtme dhe të Sigurisë së BE-së si dëshmi të partneritetit shqiptar.
"Zgjerimi i BE-së në Ballkanin Perëndimor është investim strategjik për paqen dhe sigurinë e kontinentit", tha Begaj, duke shtuar se "reformat nuk i bëjmë vetëm si kërkesa të BE-së, por mbi të gjitha për qytetarët tanë".
Burim: Zëri
— Redaksia ZHURMA