Pse bllokuan këshilltarët e BDI-së seancën e Këshillit Komunal të Tetovës?
Protesta ndodhi në shenjë kundërshtimi ndaj vendimit të Gjykatës Kushtetuese për emërtimet e rrugëve në qytet.
TETOVË — Këshilltarët e BDI-së bllokuan punimet e seancës së 15-të të Këshillit Komunal të Tetovës në shenjë proteste për shkak të çështjes së emrave të rrugëve në qytet.
Këshilltarët u shfaqën në sallë me pankarta ku shkruheshin mesazhet "Historia nuk abrogohet", "Respekto zërin e qytetarëve" dhe kërkesa për "Dorëheqje". Ky aksion vjen pas vendimit të Gjykatës Kushtetuese për anulimin e emërtimit të disa rrugëve.
Opozita akuzon kryetarin e Komunës së Tetovës, Bilall Kasamin, se nuk e ka mbrojtur vendimin për emërtimet dhe nuk ka respektuar vullnetin e qytetarëve. Tensionet në qytet janë rritur pas protestave të organizuara kundër anulimeve të emrave nga gjykata.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.