KSHZ: Në Bërvenicë votojnë 85 të sëmurë dhe 7 të burgosur

Komisioni Shtetëror i Zgjedhjeve ka njoftuar se në komunën e Bërvenicës kanë votuar 85 persona nga gjithsej 88 të regjistruar si të sëmurë dhe të pafuqishëm. Sipas të dhënave të deritanishme, nga nëntë persona të regjistruar në Listën Zgjedhore që vuajnë dënimin me burg ose ndodhen në paraburgim, të drejtën e votës e kanë ushtruar shtatë prej tyre, ndërsa procesi po zhvillohet në institucionet ndëshkuese-përmirësuese në Shkup, Shtip dhe Tetovë.

Votimi në Bërvenicë ka nisur në orën 07:00 dhe po zhvillohet pa pengesa apo vështirësi të paraqitura gjatë ushtrimit të së drejtës së votës. Për kryetar të Komunës së Bërvenicës garojnë gjashtë kandidatë nga katër blloqe politike dhe dy kandidatë të pavarur, ku në dhjetë vendbanimet e kësaj komune janë të regjistruar 16.256 zgjedhës me të drejtë vote. Vendvotimet do të hapen nesër në orën 07:00 dhe votimi do të zgjasë deri në orën 19:00.