Pse bastiset një klub kulturor shqiptar në Zvicër?
Çfarë shkeljesh zbuloi policia e Zürichut gjatë kontrollit në një shoqatë të shqiptarëve të Kosovës?
— Me urdhër të Komisionit Federal të Kazinove, policia kantonale e Zürichut ka bastisur një shoqatë kulturore të shqiptarëve të Kosovës në fshatin Zwillikon. Gjatë kontrollit të së shtunës në mbrëmje, forcat e rendit ndaluan një lojë të paligjshme pokeri me rreth dhjetë pjesëmarrës, si dhe një tjetër lojë letrash me para.
Përgjegjësi i klubit, një 55-vjeçar, nuk dispononte licencë për lojërat e fatit dhe e menaxhonte lokalin pa lejet përkatëse. Policia konstatoi shfrytëzim të hapësirës si klub pa leje, shitje të paautorizuar të cigareve dhe pirje duhani në ambiente të mbyllura. Gjatë operacionit u konfiskuan para të gatshme, kompjuterë, telefona celularë dhe një sprej piperi i ndaluar.
Burim: Telegrafi
— Redaksia ZHURMA