Bardhi: Gjobitja e të miturit jetim për protestën është akt çnjerëzor
Kreu i deputetëve demokratë reagon pas gjobës prej pesë milionë lekësh ndaj një pjesëmarrësi në protestën e së shtunës.
Redaksia ZHURMA · · 1 min lexim
Kryetari i Grupit Parlamentar të Partisë Demokratike, Gazment Bardhi, ka reaguar ashpër pasi një i mitur u ndëshkua me një masë administrative pas tubimit të zhvilluar të shtunën. Sipas të dhënave nga rrëfimi i të riut, familja e tij përballet me kushte të vështira ekonomike dhe nuk ka nënë prej vitesh.
Bardhi e cilësoi vendimin si një veprim brutal, ndërsa i bëri thirrje Drejtorit të Përgjithshëm të Policisë së Shtetit që të anulojë masën ndëshkimore. «Të gjobisësh me 5 milionë lekë një fëmijë jetim, vetëm pse ka marrë pjesë në një protestë, nuk është thjesht një akt i paligjshëm, por një akt çnjerëzor, mizor dhe thellësisht i papranueshëm», u shpreh deputeti.
