Banda shqiptare në Bryzh rrezikon dënime të ashpra për kokainë

Një bandë shqiptare rrezikon dënime të ashpra pasi akuzohet se ka mbushur qytetin e Bryzhit me kokainë. Policia ra në gjurmët e grupit më 1 tetor 2022, kur dëshmoi një marrëveshje droge në rrugën Smedenstraat. Hetimet zbuluan se shqiptarët shisnin kokainë në sasi të mëdha nga një apartament.

Personi kryesor i grupit, Domeniko T., dyshohet se e kishte nisur veprimtarinë në vitin 2018 si shpërndarës në rrugë, para se të bëhej drejtuesi i bandës. Kur ai ndodhej në Shqipëri, rolin e tij e merrte përsipër Egi S. Në fillim të vitit 2023, banda shpërndante drogë me biçikleta përgjatë mureve rrethuese të Bryzhit, duke u furnizuar 167 klientë. Më 3 prill 2023, Aldmir H. u kap nga policia me një sasi të vogël kokaine, ndërsa në apartament hetuesit zbuluan 214 gramë pluhur të bardhë dhe 13.500 euro para të gatshme. Banda dyshohet se shiste çdo ditë 27 doza droge.

Gjatë procesit në gjykatën e Bryzhit, prokurori kërkoi gjashtë dhe katër vjet burg për Domeniko T. dhe Egi S., ndërsa dy shpërndarësit e tjerë, Aldmir H. dhe Edon B., rrezikojnë secili nga dy vjet burg. Po ashtu, u kërkua konfiskimi i një shume totale prej 210.000 eurosh, si dhe dënime për personat që kishin dhënë apartamentin me qira.