Ndërron jetë shtatëvjeçarja nga Peja pasi e zuri dollapi në shtëpi

Një vajzë shtatëvjeçare nga fshati Pavlan i Pejës ka ndërruar jetë mbrëmjen e së hënës në Qendrën Klinike Universitare të Kosovës. Vogëlushja ishte dërguar me urgjencë në spital gjatë fundjavës, pasi dyshohet se ishte zënë nga një dollap në shtëpinë e saj.

E mitura ka qenë duke u trajtuar në QKUK dhe ka qëndruar e intubuar, por pavarësisht trajtimit mjekësor, ajo nuk ka arritur t'u mbijetojë lëndimeve dhe ka humbur jetën.