Bajrami: Historia nuk ndryshohet me ndërrimin e fotografive në mure

Deputetja e Lidhjes Demokratike të Kosovës, Hykmete Bajrami, ka reaguar pas zhvendosjes së fotografisë së presidentit historik Ibrahim Rugova nga institucionet e vendit. Përmes një postimi në rrjetin social Facebook, ajo ka përdorur shprehjen popullore «Dielli nuk mbulohet me shoshë», duke theksuar se historia nuk mund të fshihet përmes veprimeve të tilla. Ajo ka shkruar se «Historia nuk ndryshohet me ndërrimin e fotografive në muret e institucioneve! Presidenti historik, Dr. Ibrahim Rugova, dhe Deklarata e Pavarësisë e kanë vendin e tyre të përhershëm në historinë e shtetit të Kosovës dhe në zemër të çdo institucioni shtetëror». Sipas deputetes, vlera dhe pesha historike e tyre nuk varen nga muri ku vendosen e as nga vullneti i atyre që përkohësisht drejtojnë institucionet shtetërore, siç raportoi Zhurma më 9 nëntor 2026.