AUV: Qumështi dhe jogurti Vita nuk përmbajnë vaj palme as qumësht pluhur
Mostra “Qumësht Vita 1L, 2L” u mor më 3 korrik, raporti u lëshua më 5 gusht dhe edhe jogurti i testuar më 13 korrik doli i pastër.
ISTOG — Agjencia e Ushqimit dhe Veterinarisë (AUV) i ka dorëzuar Qumështores Vita në Sinajë të Istogut raportet e analizave, sipas të cilave qumështi uht dhe jogurti VITA nuk përmbajnë as vaj palme e as qumësht pluhur. Mostra “Qumësht Vita 1L, 2L” është marrë më 3 korrik 2026, ndërsa raporti është lëshuar më 5 gusht.
Në parametrin “Përcaktimi i pranisë së qumështit pluhur”, laboratori i AUV-së nuk ka detektuar asnjë sasi qumështi pluhur. Sipas tabelës së ofruar nga agjencia, në mostrën e analizuar nuk është identifikuar as sasi e shtuar e yndyrës bimore.
AUV ka testuar edhe mostrën “Jogurt – 1×540 Gram” të marrë më 13 korrik të këtij viti, e cila ka dalë po ashtu e pastër dhe është klasifikuar si e rregullt. Në këtë produkt nuk është detektuar as sasi e niseshtes.
Burim: Klan Kosova
&mdash