Pse autobusët e prishur paralizojnë transportin publik në Shkup?
Qytetarët ankohen për pritje deri në një orë dhe autobusë që ngecin në rrugë, ndërsa në qarkullim janë vetëm 160 nga 400 sa kërkohen.
SHKUP — Autobusët e Ndërmarrjes së Qarkullimit Publik në Shkup po ngecin në rrugë për shkak të defekteve të shpeshta, duke lënë qytetarët nëpër stacione ose të detyruar të vazhdojnë në këmbë. Këtë verë, problemi ka rifilluar me të njëjtën intensitet si vitin e kaluar, kur dhjetëra autobusë u përballën me avari në mes të qarkullimit.
Qytetarët raportojnë pritje deri në 50 minuta e deri në një orë, orare që nuk respektohen, dhe autobusë që mbyllin dyret pa pritur udhëtarët të ngjiten. "Kushtet janë katastrofë, ka shumë rrëmujë," tha një prej tyre. Të tjerë ankohen se në lagje si Saraj dhe Bojanë, autobusët vijnë çdo dy orë ose mungojnë krejt.
Sipas informatave të Alsat, aktualisht në rrugët e Shkupit qarkullojnë rreth 160 autobusë në të gjitha linjat urbane dhe periferike — 30 prej tyre u kthyen në qarkullim pas riparimeve të gjata në garazhe. NQP ka nevojë për rreth 400 autobusë për të funksionuar siç duhet. Tenderi për 150 autobusë të rinj ekologjikë dështoi pasi kompanitë aplikuese nuk i plotësuan kushtet, sipas Ministrisë së Transportit. Qyteti i Shkupit premton se autobusët e parë të rinj do të vijnë brenda disa muajsh.
Burim: Telegrafi
— Redaksia ZHURMA