Aurora dhe Kushtrimi reagojnë ndaj komenteve për Benitën në dasmë

Aurora Rrusta dhe Kushtrimi Kelani janë shfaqur publikisht si çift i martuar, duke iu përgjigjur edhe komenteve dhe aludimeve në rrjetet sociale rreth fustanit të Benitës në dasmën e tyre. Të ftuar në një ngjarje publike, ish-banorët e formatit televiziv folën shkurtimisht për jetën e re pas martesës dhe shijimin e kësaj periudhe, ndërsa u ndalën te dita e ceremonisë, të cilën e cilësuan si një nga momentet më të bukura për ta.

E pyetur rreth komenteve për praninë e Benitës dhe ngjyrës së fustanit të saj që mori vëmendje në rrjet, Aurora zgjodhi të mos hyjë në polemika. Ajo falënderoi të gjithë të ftuarit për pjesëmarrjen, përfshirë edhe Benitën, duke theksuar se janë kënaqur tepër shumë dhe preferojnë ta kujtojnë dasmën larg debateve. Çifti po ashtu zbuloi se planifikojnë të udhëtojnë drejt një destinacioni të ngrohtë për muajin e mjaltit.