Si u përgjigj Aurela Gaçe ndaj thirrjeve për bojkot gjatë protestave?

TIRANË — Aurela Gaçe reagoi në rrjetet e saj sociale për posterat e ngjitur në vende të ndryshme në Tiranë, ku kërkohet bojkoti i muzikës dhe koncerteve të saj. Këngëtarja e njohur nuk e pranoi pretendimin e protestuesve.

Në një periudhë "piku" për këngëtarët shqiptarë, Aurela ka anoncuar se do të jetë në Shkodër për të çelur sezonin veror. Reagimi i shqiptarëve për momentin e zgjedhur ishte i madh, pasi çdo ditë para kryeministrisë protestohet kundër qeverisë.

Këngëtarja thekson se ka qenë në protesta qysh studente dhe ka protestuar "me gjithë qënien time" përmes teksteve shumë të forta të këngësh. Ajo thotë se ka qenë edhe në shesh krah popullit, "edhe tani", me data të saktë nga arkiva e saj.

"Mua nuk më tregon as dikton dot askush se si ta dua vendin tim," shkruan Aurela. Ajo u drejtohet protestuesve me pyetjen: "Nëse ankoheni për diktaturë, atëherë përse ti vetë dikton se si duhet të sillemi?" Këngëtarja e akuzon metodën e tyre si shprehje dhune.

Aurela thotë se ka shumë arsye për të protestuar. Ajo jeton këtu dhe e di peshën e rëndë që mban një shqiptar. Ajo ka zgjedhur të punojë pastër që nesër të shohë veten në pasqyrë dhe të mos ketë turp; dinjitetin, thotë ajo, e ka shumë më të shtrenjtë.

Këngëtarja është bijë e dy pensionistëve të cilët nuk ia dalin pa ndihmën e fëmijëve. Ajo është nënë e dy fëmijësh dhe ka dilema për të ardhmen e tyre. Familjarët e ngushtë janë jashtë vendit, dhe ajo duhet të ndihmojë prindërit për të jetuar.

Aurela përfundoi duke theksuar se populli nuk është i lumtur. Por, kur sheh se të tjerë përdorin "dhunë verbale" kundër atij që nuk vepron si ata, kjo tregon sa të dhunshëm mund të bëhen njerëzit.

Burim: Shqiptarja
— Redaksia ZHURMA