ASH: Vetëm 9 shqiptarë mes 310 të pranuarve në Shkollën e Policisë
Aleanca për Shqiptarët kërkon sqarime për përbërjen e Shkollës së Mesme të Policisë, ku vetëm 9 nxënës shqiptarë janë pranuar nga 310 gjithsej.
Redaksia ZHURMA · · 1 min lexim
SHKUP — Aleanca për Shqiptarët ka kërkuar sqarime lidhur me rezultatet e pranimit të nxënësve në Shkollën e Mesme të Policisë “7 Maji”, ku nga 310 nxënës të pranuar, vetëm 9 janë shqiptarë, që përbën më pak se 3 për qind.
Kjo çështje vjen pas diskutimeve të mëparshme mbi përfaqësimin e nxënësve shqiptarë në institucionet arsimore, ndërkohë që partia ka ngritur shqetësimin se procesi mësimor në këtë shkollë zhvillohet vetëm në gjuhën maqedonase dhe ka kërkuar transparencë të plotë për konkursin.
