Arsim Berisha kryetar i ri i Guxo-s në Prizren
Berisha zgjidhet në Kuvendin e Rregullt Zgjedhor; bashkëkryetarët Gërvalla dhe Peci marrën pjesë.
Redaksia ZHURMA · · 1 min lexim
PRIZREN — Arsim Berisha është zgjedhur kryetar i Degës së Partisë Guxo në Prizren, në Kuvendin e Rregullt Zgjedhor të mbajtur të dielën. Në kuvend morën pjesë bashkëkryetarët Donika Gërvalla dhe Faton Peci. Me këtë proces janë zgjedhur edhe strukturat e reja drejtuese të Degës. Berisha i falënderoi delegatët, anëtarët dhe aktivistët për besimin, duke kujtuar që themelimi i organizimit u hodh më 7 shtator 2022. „Është përgjegjësi e përbashkët dhe fillim i një kapitulli të ri“, tha ai.
