Çfarë ndodhi me rojën që goditi qytetarin në Zvërnec?
Gerald Biba, 32 vjeç, u arrestua për heqje të paligjshme të lirisë dhe plagosje të lehtë.
VLORË — Drejtoria e Përgjithshme e Policisë së Shtetit njoftoi arrestimin e Gerald Bibës, 32 vjeç, punonjës i shoqërisë private të sigurisë së kantierit në Zvërnec, i cili u shfaq në pamje duke goditur me grusht shtetasin E. S. gjatë një tubimi një ditë më parë.
Biba, banues në Durrës, u arrestua në flagrancë për dyshimet e veprave penale "Heqja e paligjshme e lirisë" dhe "Plagosja e lehtë me dashje". Hetimet paraprake tregojnë se ai goditi qytetarin, pastaj në bashkëpunim me shtetasit A. G. dhe G. V. — të proceduar penalisht — e tërhoqi me forcë drejt zonës së rezervuar për rojet, duke i shkaktuar dëmtime të lehta trupore.
Paralelisht, Drejtori i Përgjithshëm i Policisë së Shtetit urdhëroi hetim disiplinor ndaj gjithë zinxhirit komandues të DVP Vlorë për menaxhimin e tubimit.
Burim: Telegrafi
— Redaksia ZHURMA