Arrestohet në Kakavijë shtetasi i kërkuar nga Zvicra për drogë

Një shtetas i shpallur në kërkim ndërkombëtar u arrestua në pikën kufitare të Kakavijës gjatë hyrjes në vend, pas një kontrolli të ushtruar nga oficerët e policisë së Departamentit të Kontrollit të Pasaportave. Ndalimi i tij u realizua në kuadër të një operacioni të përbashkët mes autoriteteve kufitare shqiptare dhe atyre greke.

Gjatë verifikimit të dokumenteve, rezultoi se ndaj tij ishte lëshuar një urdhër-arresti europian nga autoritetet zvicerane. Ai kërkohej për veprat penale të trafikut të paligjshëm të narkotikëve e substancave psikotrope dhe të pastrimit të parave, akuzohet se rrjedhin nga veprimtari kriminale, të cilat sipas legjislacionit zviceran dënohen deri në 20 vjet burgim.

Pas ndalimit, i arrestuari u shoqërua në Nëndrejtorinë e Hetimit dhe Ndjekjes Penale të Krimeve në Janinë, si dhe në Sektorin për Hetimin e Krimeve në Drejtorinë Vendore të Policisë në Janinë. Çështja i është referuar Prokurorisë së Apelit të Janinës për veprimet e mëtejshme procedurale.