Arrestohet në Angli shkodrani për mashtrim dhe automjet të papaguar
Gjovalin Troja u vu në pranga në territorin britanik pas një urdhër-arresti ndërkombëtar të lëshuar nga Interpol Tirana.
SHKODËR — Autoritetet në Britaninë e Madhe kanë ndaluar një shtiptar me origjinë nga Abati i Shkodrës, i cili rezultonte në kërkim ndërkombëtar për shkak të një çështjeje të hapur gjyqësore që daton vite më parë. Sipas informacioneve të bëra publike nga gazetari i Top Channel, Muhamed Veliu, para trupës gjykate të ekstradimeve në Londër ka dalë për seancë dëgjimi Gjovalin Troja. Drejtësia shqiptare e akuzon atë se gjatë periudhës dhjetor 2017 dhe janar 2018 ka marrë përmes mashtrimit një automjet tip Benz E Class nga një qytetar, pa shlyer detyrimin financiar, si dhe ka përfituar një shumë parash.
Përballë kërkesës për ekstradim, i dyshuari është ndaluar në qytetin Stroke-on-Trent nga Skuadra Kombëtare e Ekstradimeve. Gjatë paraqitjes në Westminster Magistrate Court, u vendos që ai të ndjekë hapet e mëtejshme të procesit i lirë me kusht, pasi ka paguar garancinë pasurore dhe mban një pajisje elektronike gjurmimi në këmbë deri në datën e caktuar të muajit tjetër.