Tre të arrestuar në Shkodër me armë dhe kokainë
Policia gjeti pistoletë, municion dhe lëndë narkotike; tre persona u akuzuan për krim
SHKODËR — Policia e Shkodrës ka finalizuar operacionin e koduar "SIGURIA", në kuadër të goditjes së veprimtarisë kriminale në fushën e armëmbajtjes pa leje dhe shpërndarjes së lëndëve narkotike. Si rezultat i operacionit, u arrestuan në flagrancë tre shtetas: E.K, 42 vjeç, banues në Shkodër; A.I, 18 vjeç, banues në Shkodër; I.A, 18 vjeç, banues në Londër.
Sipas burimit, gjatë kontrollit fizik ndaj shtetasit E.K, në ambientet e një lokali në lagjen "Vasil Shanto" në Shkodër, shërbimet e Policisë gjetën dhe sekuestruan një armë zjarri pistoletë, municion luftarak dhe një dozë me lëndë të dyshuar narkotike kokainë. Gjatë kontrollit ndaj shtetasit A.I, policia gjeti dhe sekuestroi edhe një cigare me lëndë të dyshuar narkotike cannabis sativa.
Burim: IndeksOnline — Redaksia ZHURMA