Arrestohen pesë të dyshuar për Masakrën e Reçakut
Kush janë pesë ish-policët dhe pjesëtarët e MPB-së serbe që dyshohen për krime lufte?
PRISHTINË — Prokuroria Speciale e Kosovës, në bashkëpunim me Policinë, ka arrestuar pesë persona të dyshuar për pjesëmarrje në Masakrën e Reçakut të janarit 1999. Arrestimet u kryen gjatë një aksioni të mëngjesit të sotëm, ndërsa detajet e operacionit u shpalosën në një konferencë për media në Prishtinë.
Të arrestuarit janë N.P. (viti i lindjes 1968) dhe S.M. (1968) nga Shtërpca, ish-pjesëtarë të Ministrisë së Punëve të Brendshme të Serbisë. Po ashtu, u prangosën S.J. (1967), ish-polic i pensionuar nga Shtërpca, dhe S.S. (1966) nga Gjilani, punëtor postar në Serbi që ishte pjesë e formacioneve policore gjatë kryerjes së krimit.
I dyshuari B.P. (1969), ish-polic po ashtu nga Shtërpca, u kap në pikëkalimin kufitar në Merdare. Gjatë bastisjeve të autoriteteve në lokacione të ndryshme u konfiskuan uniforma, bexha policorë, çanta ushtarake, video kaseta, targa veturash me shkronjat "UR", katër telefona, një aparat fotografik dhe mbi 40 fishekë.
Përveç pajisjeve ushtarake, zyrtarët sekuestruan mbi 30 mijë euro dhe mbi 3 mijë euro në monedhën dinar serb. Ky aksion shënon përpjekjen e autoriteteve të drejtësisë në Kosovë për të ndjekur personat e dyshuar për pjesëmarrje në masakrat e luftës së vitit 1999.
Burim: Ekonomia Online
— Redaksia ZHURMA