Arrestohen dy persona pas lëndimit të rëndë të një gruaje në Viti

Dy persona janë arrestuar nga Policia e Kosovës në lidhje me rastin e lëndimit të rëndë të një gruaje në vendin e punës në Viti. Viktima është dërguar për trajtim mjekësor në Qendrën Klinike Universitare të Kosovës (QKUK), pasi ka pësuar lëndime të rënda trupore.

Sipas Policisë, rasti ka ndodhur në Viti, ndërsa dy të dyshuar meshkuj kosovarë janë arrestuar dhe dërguar në mbajtje pas intervistimit. Rasti po hetohet si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.