Antimafia italiane godet organizatën shqiptare të kokainës, pastruan 14 mln euro

Antimafia italiane ka goditur një organizatë kriminale shqiptare të dyshuar për trafik ndërkombëtar të kokainës dhe pastrim parash. Sipas hetimeve, grupi kishte trafikuar rreth 240 kilogramë kokainë dhe pastruar 14 milionë euro përmes investimeve në shufra ari dhe pasuri të paluajtshme. Dy kompani në Lecco dhe një në Milano janë sekuestruar, ndërsa 52 persona janë nën hetim.

Autoritetet italiane kanë zbuluar se organizata përdorte aplikacione të enkriptuara për koordinimin e trafikut dhe transferimin e parave drejt Shqipërisë. Në operacion u arrestuan gjashtë persona dhe u sekuestruan 1.5 milionë euro në para të gatshme, si dhe 32 kilogramë lëndë narkotike.