Në çfarë bashkëpunimi do të vazhdojë Britania për zgjedhjet e 7 qershorit?
Jonathan Hargreaves takoi kryesuesin e KQZ-së Kreshnik Radoniqin dhe vuri në dukje marrëdhënien e ngushtë në bashkëpunimin kibernetik.
PRISHTINË — Ambasadori britanik në Kosovë, Jonathan Hargreaves, ka takuar kryesuesin e KQZ-së, Kreshnik Radoniqin. Përmes një postimi në Facebook, Hargreaves tha se KQZ luan rol thelbësor në sigurimin e integritetit dhe transparencës së proceseve zgjedhore.
Ai shtoi se gjatë takimit me Radoniqin kishte qenë pozitive të dëgjonte se si KQZ po përmirëson dhe ashpërson procedurat. Hargreaves theksoi marrëdhënien e ngushtë mes KQZ-së dhe Britanisë në bashkëpunimin kibernetik për tabulimin e votave dhe publikimin e softuerit në zgjedhjet e fundit komunale dhe nacionale.
"Kam kënaqësinë të vazhdoj mbështetjen tonë për zgjedhjet e ardhshme nacionale më 7 qershor", ka thënë ai.
Burim: Zëri
— Redaksia ZHURMA