Ambasada e SHBA-së: Kosova po humb mundësi për shkak të ngërçit politik

PRISHTINË — Ambasada e Shteteve të Bashkuara në Prishtinë ka kërkuar nga lidërët politikë të Kosovës të punojnë duke u bazuar në Kushtetutë dhe vendimet e Gjykatës Kushtetuese për formimin e institucioneve të reja, paralajmërojse se ngërçi politik i vazhdueshëm po i kushton vendit mundësi të humbura.

Mesazhi amerikan u dërgua Gazetës Express pikërisht në ditën kur seanca konstituive e Kuvendit nuk arriti të konstituojë për shkak të kërkesës së kryeministrit në detyrë, Albin Kurti, për kohë shtesë për bisedime rreth presidentit, kërkesë e cila u pranua nga kryesuesi i seancës, Avni Dehari.

Sipas një aktgjykimi të Gjykatës Kushtetuese të vitit të kaluar, deputetët kanë afat deri nesër më 7 gusht, orën 23:59, për të konstituar Kuvendin nga data e certifikimit të rezultateve zgjedhore. Kurti nuk ka dhënë shenja se do të thërrasë vazhdimin e seancës brenda këtij afati.

"Qytetarët e Kosovës presin nga udhëheqësit e tyre që ta përmbushin zotimin për të vepruar në interesin më të mirë të vendit. Ky ngërç i vazhdueshëm politik po i kushton Kosovës mundësi të humbura," theksoi ambasada, duke kërkuar prioritet progresit dhe stabilitetit.

Për kohën që po e humb Kosova, dje paralajmëroi edhe ambasada e Gjermanisë: "Kosova nuk ka kohë për të humbur: Shpresojmë që institucionet e reja të formohen në kohën e duhur dhe për një mandat të plotë."

Kurti arsyeu shtyrjen me nevojën për bisedime për presidentin, duke thënë se synon shmangjen e zgjedhjeve të parakohshme: "Vetëm atëherë kur ta kemi arritur dakordimin për çështjen e Presidentit, të procedojmë me konstituimin e institucioneve të tjera."

PDK është pozicionuar në opozitë, Aleanca kërkon përmbushjen e pikave lidhur me projektin e gazit amerikan, ndërsa LDK, sipas Lumir Abdixhikut, kërkon "balancë demokratike" të pushteteve në përputhje me rezultatin zgjedhor. Kurti theksoi se VV ka 53 deputetë, tri partitë opozitare bashkë 47.

Burim: Gazeta Express
— Redaksia ZHURMA