Çfarë do të thotë transferimi i Albion Rrahmanit për në Serie A?
Sulmuesi i Kombëtares së Kosovës shkon në elitën e futbollit Italian për 7.5 milionë euro
PRISHTINË — Sulmuesi i Kombëtares së Kosovës, Albion Rrahmani, është transferuar në elitën e futbollit Italian. Kështu kanë raportuar mediat italiane të cilët kanë bërë të ditur se Venezia FC ka arritur marrëveshje me AC Sparta Prague për blerjen e kartonit të tij, transmeton Klankosova.tv. Sipas raportimeve, marrëveshja mes dy klubeve është arritur për 7.5 milionë euro, ndërsa përmes bonuseve vlera totale e transferimit mund të arrijë deri në 9.5 milionë euro.
Rrahmani, i cili muajin e ardhshëm mbush 26 vjeç, iu bashkua Spartës së Pragës dy vite më parë nga FC Rapid 1923 për rreth pesë milionë euro. Gjatë aventurës së tij në Çeki, ai zhvilloi një sezon të suksesshëm duke realizuar 16 gola dhe katër asistime në 49 ndeshje zyrtare.
Burim: Klan Kosova, https://klankosova.tv/e-kryer-albion-rrahmani-transferohet-drejt-serie-a/
— Redaksia ZHURMA