Albian Hajdari pëson sërish lëndim te Hoffenheimi

Qendërmbrojtësi i kombëtares së Kosovës dhe i Hoffenheimit, Albian Hajdari, ka pësuar një lëndim të ri që do ta mbajë jashtë fushave për të paktën disa javë. Mbrojtësi kosovar pësoi një dëmtim në shputën e këmbës gjatë stërvitjes, në përgatitjet për ndeshjen e Ligës së Evropës kundër Beshiktashit.

Klubi ka njoftuar se lojtari nuk do të jetë i gatshëm për ndeshjet e ardhshme gjatë javëve në vijim. Trajneri i Hoffenheimit, Chris Ilzer, e ka cilësuar mungesën e Hajdarit si një goditje për ekipin.

Hajdari sapo ishte kthyer në stërvitje te klubi i tij, pasi ishte lënduar më parë gjatë grumbullimit me Kombëtaren e Kosovës në Ligën e Kombeve. Ai kishte munguar në ndeshjen ndaj Austrisë dhe ishte kthyer te klubi para ndeshjeve me Izraelin e Austrinë.

Për sezonin e dytë në Gjermani, Hajdari u transferua nga Lugano për pesë milionë euro, ndërsa vlera e tij në treg ka shkuar në 25 milionë euro. Këtë sezon ai ka zhvilluar gjashtë paraqitje me Hoffenheimin, kurse pjesë e këtij klubi janë edhe dy lojtarë të tjerë të Kosovës, Leon Avdullahu dhe Fisnik Asllani.