ASH kërkon marrëveshje për ndryshimet kushtetuese dhe heqjen e 20 për qindshit

Aleanca për Shqiptarët ka theksuar se vendi duhet të arrijë një marrëveshje politike për t'i hapur rrugë integrimit evropian dhe për të eliminuar formulimin prej 20 për qind për gjuhën shqipe. Sipas kësaj partie, ndërkohë që shtete si Ukraina dhe Moldavia përparojnë drejt Bashkimit Evropian pavarësisht sfidave, vendi ynë humbet kohë për shkak të paragjykimeve dhe frikës politike.

Organizata politike sjell ndërmend se shqetësimet e dikurshme për ndryshimin e emrit nuk u vërtetuan si kërcënim, pasi identiteti dhe gjuha maqedonase mbeten, ndërsa vendi është anëtar i NATO-s. Përfaqësuesit e saj vlerësojnë se historia po përsëritet edhe te debati aktual për ndryshimet kushtetuese, duke bërë thirrje për guxim, përgjegjësi dhe barazi të plotë për shqiptarët pa u shndërruar kjo në kundërshtime për një shtet modern.