Çfarë dihet për aksidentin me gjashtë të lënduar në Vushtrri?

VUSHTRRI — Gjashtë persona u lënduan sot në një aksident trafiku në rrugën nacionale Mitrovicë–Prishtinë, në fshatin Dobërllukë të Vushtrrisë. Ngjarja ndodhi rreth orës 11:50, njoftoi zëdhënësi i Policisë së Kosovës për rajonin e Mitrovicës, Ilmi Prekazi.

Sipas tij, në aksident u përfshinë tri automjete me targa civile vendore. Njëri nga drejtuesit e automjeteve psoi lëndime të rënda trupore. Të gjashtë të lënduarit u dërguan për trajtim mjekësor: një në Emergjencën e Spitalit të Vushtrrisë dhe pesë të tjerë për trajtim të mëtejmë në QKUK. Njësitë policore po hetojnë rrethanat e aksidentit.

Burim: Telegrafi
— Redaksia ZHURMA