Kryesia e Kuvendit nis mbledhjen për caktimin e seancës plenare

Kryesia e Kuvendit ka nisur takimin e saj ku pritet të vendoset për datën dhe pikat që do të shqyrtohen në seancën e ardhshme plenare. Ndër çështjet e parashikuara për shqyrtim janë tri projektligje të rëndësishme, përfshirë atë për Agjencinë e Menaxhimit të Emergjencave dhe për Regjistrimin e Bujqësisë, si dhe Raporti i Auditorit të Përgjithshëm për auditimin e Buxhetit të Kosovës.

Gjatë kësaj mbledhjeje, deputetët pritet të trajtojnë edhe propozimet e grupeve parlamentare të Lëvizjes Vetëvendosje, Partisë Demokratike të Kosovës dhe Listës Serbe për ndryshimet dhe emërimet e anëtarëve në komisionet parlamentare. Pikat e tjera të rendit të ditës përfshijnë miratimin e procesverbaleve të kaluara dhe shqyrtimin e kërkesave të ndryshme.