Aksident në Selenicë, shoferja përplaset me barrierat mbrojtëse të rrugës

Një aksident është regjistruar në dalje të fshatit Brataj, në Selenicë. Raportohet se një shoferë ka humbur kontrollin e mjetit dhe për pasojë është përplasur me barrierat mbrojtëse të rrugës.

Si pasojë e përplasjes, ajo ka pësuar disa lëndime dhe është dërguar në spital për të marrë ndihmë mjekësore. Sipas informacioneve paraprake, shoferja ndodhet jashtë rrezikut për jetën.

Burimet raportojnë se aksidenti ka ndodhur pasditen e kësaj të shtune në aksin Brataj-Selenicë.