Aksident në aksin Lushnjë-Rrogozhinë, lëndohet drejtuesi i mjetit

LUSHNJË — Forcat zjarrfikëse janë dashur të ndërhyjnë në aksin rrugor mes Lushnjës dhe Rrogozhinës, pasi një makinë ka dalë nga rruga dhe ka përfunduar në arë. Drejtuesi dhe i vetmi person në automjet, Musa Sula, ka pësuar dëmtime të lehta nga ky incident. Pas ndërhyrjes për nxjerrjen e tij, i moshuari është dërguar menjëherë në spital për të marrë trajtimin mjekësor, ndërsa bluzat e bardha konfirmojnë se ai ndodhet jashtë rrezikut për jetën. Gjatë kontrolleve mjekësore në institucionin shëndetësor, atij iu nënshtrua testi i alkoolit, i cili doli negativ. Ndërkohë, strukturat policore po vijojnë hetimet në terren për të zbardhur rrethanat dhe shkaqet e sakta që sollën daljen e mjetit nga rruga.