Aksident i trefishtë në aksin Peqin-Elbasan, lëndohen dy persona
Dy persona plagosen lehtë, tre automjete përfshihen në aksident
PEQIN — Një aksident rrugor është regjistruar rreth orës 09:10 të mëngjesit të kësaj të diele në aksin kombëtar Peqin–Elbasan, në afërsi të fshatit Gjocaj, duke shkaktuar dëme materiale dhe lëndime të lehta, por fatmirësisht pa pasoja fatale.
Sipas burimeve nga vendngjarja, në aksident janë përfshirë tri automjete, dy prej të cilave kanë pësuar dëmtime të pjesshme. Përplasja ka ndodhur në një nga rrugët hyrëse që lidhen me aksin e rrugës kombëtare, në zonën rurale pranë qytetit të Peqinit.
Shërbimet e Policisë Rrugore mbërritën në vendngjarje, duke bërë të mundur normalizimin në kohë rekord të qarkullimit të automjeteve, pavarësisht fluksit të lartë të mjeteve në këtë aks rrugor. Ndërkohë, grupi hetimor po punon për të përcaktuar shkaqet dhe rrethanat që çuan në përplasjen e tre automjeteve.
Si pasojë e aksidentit, dy persona kanë pësuar lëndime fare të lehta dhe kanë marrë ndihmën e nevojshme, ndërsa gjendja e tyre nuk paraqitet shqetësuese.
Burim: BalkanWeb
— Redaksia ZHURMA