Çfarë tha Ahmeti për perspektivën evropiane të Maqedonisë së Veriut?
Kreu i BDI-së takoi shefin e Delegacionit të BE-së në Shkup, Mikalis Rokas, për të diskutuar perspektivën evropiane të vendit.
SHKUP — Kryetari i Bashkimit Demokratik për Integrim, Ali Ahmeti, zhvilloi sot një takim me shefin e Delegacionit të Bashkimit Evropian në vend, Mikalis Rokas. Në qendër të bisedimeve qëndruan obligimet e Maqedonisë së Veriut ndaj BE-së dhe përgjegjësia e institucioneve për realizimin e reformave të nevojshme për anëtarësim të plotë.
Ahmeti ritheksoi se integrimi evropian mbetet "prioritet strategjik dhe interes madhor shtetëror", duke shtuar se vendi "nuk ka alternativë tjetër përveç anëtarësimit në Bashkimin Evropian".
Bashkëbiseduesit vlerësuan rëndësinë e forcimit të shtetit ligjor, funksionimit demokratik të institucioneve dhe ruajtjes së orientimit pro-evropian si parakushte kyçe. U potencua nevoja për angazhim të përbashkët politik për përshpejtimin e rrugës evropiane.
Burim: Telegrafi
— Redaksia ZHURMA