Kush dëshmon sot në gjyqin e aferës 'Partizani'?
Ish-ministri Gazmend Oketa është thirrur nga SPAK në seancën e orës 10:00, së bashku me Elvira Lame, Paro Laçi dhe Isa Tare.
Tiranë — Ish-ministri i Mbrojtjes dhe zv. kryeministri në qeverinë Berisha, Gazmend Oketa, dëshmon sot për privatizimin me urgjencë të ish-kompleksit “Partizani”. Seanca e gjyqit, e nisur në orën 10:00, përfshin thirrjen e dëshmitarëve Oketa, Elvira Lame, Paro Laçi dhe Isa Tare, ky i fundit që kishte munguar në seancën e 22 qershorit për shkak të qëndrimit jashtë shtetit.
Procesi është shënuar nga kontradiktat mes ish-zyrtarëve të qeverisë Berisha. Ylli Pango, ish-ministri i Sporteve, deklaroi se ishte kundër ndryshimit të destinacionit të ambienteve të klubit dhe ndërtimit të 19 kullave. Pango pohojoi se ndryshimi ligjor i vitit 2008 nuk ishte iniciativë e tij, por një propozim i qeverisë Berisha.
Nga ana tjetër, Sali Berisha akuzoi direkt Pangon më 18 qershor 2008 për sjelljen e ligjit në mbrojtje të interesave të pronarëve të klubeve sportive. Megjithatë, ish-ministri i Sporteve mohoi në GJKKO që të kishte qenë i pranishëm në mbledhjen e qeverisë ku u vendos kalimi i ligjit në Këshillin e Ministrave.
Burim: Shqiptarja
— Redaksia ZHURMA