17 anëtarë të grupit të kanabisit dënohen me 111 vite burg në Berat
Pse SPAK shpalli moskompetencë për 93 gra të përfshira në operacionin e kanabisit?
BERAT — Gjykata e Posaçme dënoi 17 anëtarë të grupit kriminal me 111 vite e 8 muaj burg për kultivimin e kanabisit në sera në vitin 2022. Dënimin më të lartë e morën dy drejtuesit e grupit, Sadetin Hasaj dhe Blerim Xheka, secili me nga 8 vite e 8 muaj burgim.
Operacioni u ndërmor më 10 nëntor 2022 në zonën e Rërës, Drenovicë, ku në 4 sera të mbyllura me plastmasë u gjet dhe u sekuestrua 871.4 kg kanabis, e ndarë në 769 arka plastike dhe 11 thasë. Aktiviteti kriminal kishte nisur në dhjetor 2021 dhe vazhdoi deri në nëntor 2022.
Grupi kriminal u mor me rekrutimin e punëtorëve nga qytete të ndryshme të Shqipërisë, duke u ofruar pagesa të mira ditore, transport falas dhe strehim brenda serave, ku ishin krijuar fjetore. Pjesë e operacionit ishin 93 gra të tjera, për të cilat SPAK shpalli moskompetencë.
Drita Mema dhe Izmire Mema morën dënime të pezulluara prej 4 vitesh me vënie në shërbim prove për 3 vjet. Gjatë operacionit, përveç 871.4 kg kanabisit, u sekuestruan edhe armë zjarri dhe municion luftarak.
Burim: Shqiptarja
— Redaksia ZHURMA